Isang lola (MRQ CASE #21), unang COVID-related death sa Marinduque

MOGPOG- Isang lola na 65 taong gulang na may diabetes at hypertension ang itinuturing na MRQ Case #21, nakatira sa Villamendez, Mogpog, Marinduque. Walang travel history sa labas ng lalawigan at wala ring nakahalubilong may sakit na COVID.

Nakaramdam ang pasyente ng ilang sintomas tulad ng lagnat, ubo, sipon at panghihina ng katawan noong Agosto 28 at dinala sa Provincial Hospital noong Sept. 1.

Ayon sa Provincial Health Office, ito ang unang COVID-related death, namatay ang pasyente noong Septyembre 6 sa Marinduque Provincial Hospital ngunit ang resulta na nakasaad na ito ay positibo sa COVID ay dumating lamang ngayong araw, Sept. 13.

Pinaalahanan pa rin na sumunod ang lahat sa mga protocols na ipinatutupad ng pamahalaan.